Heut isch die schönste Zeit
wenn ma da Strohma treibt,
wenn ma da Strohma treibt,
isch die schönste Zeit
Strohmatreiber, Butza raus
dr Strohma muaß auf d’Gassa naus,
denn des lange Unikum
g’hört vor’s Publikum
Strohma raus, Strohma raus, auf da Schelmawasa naus.
Strohma raus, Strohma raus, auf da Schelmawasa naus.
2)
Jetzt isch’s Dorf aus Rand und Band
im Häs springt älles umanand
Mäschkera und Bräutlingsgsella
Katzamusik Goiselschnella.
Ab sofort gilts Narrarecht
noch gohts so manchem Spitzbua schleacht.
sott ma dem it an sein Zenka
a Narraschella henka.
Strohma raus, Strohma raus, auf da Schelmawasa naus.
Strohma raus, Strohma raus, auf da Schelmawasa naus.
3)
Sind für’s hohe Narragricht
au gnuag Fasnetskiachle gricht
Narrasupp und Fasnetshenna
sott ma au no zemma brenga.
Denn koin Narr loht mit sich spassa
beim leerem Maga, leere Kassa
au stroft ma den an Ranza na
wo rumstoht und it lacha ka!
Strohma raus, Strohma raus, auf da Schelmawasa naus.
Strohma raus, Strohma raus, auf da Schelmawasa naus.
4)
Dr Narrasoma macht Radau
schreit:Borschtig, borschtigisch dia Sau
und wenn dia Sau it borschtig isch
geits koine Leberwischt.
Und auf dr Srroß schreit jeder Fratz
hoorig, hoorig isch dia Katz
und wenn dia Katz it hoorig isch
fängt se koine Mais.
Strohma raus, Strohma raus, auf da Schelmawasa naus.
Strohma raus, Strohma raus, auf da Schelmawasa naus.
5)
Am Äschermittga do hoißt’s noch
d` Fasnet d’Fasnet hot a Loch
und aufm Schelmawasa
bei da Fichs und Hasa
Geits a ganz groß Funka-Feuer
dr Winter weat zum Pleitegeier
und dr Strohma weat am End
radikal verbrennt.
Strohma mäh, jetzt isch aus auf dem Schelmawasa draus!
Strohma mäh, jetzt isch aus auf dem Schelmawasa draus!
Noch missat d’Narra fasta.
se bringet’s Häs in Kasta.
ma duats scheee zemmalega
und denkt S’goht jo dagega!